ჯანმრთელობასთან დაკავშირებული რჩევები კრუიზში წასვლამდე
კრუიზში წასვლამდე აუცილებელია გარკვეული სამედიცინო რჩევები გაითვალისწინოთ და საკრუიზო მოგზაურობა სასიამოვნოდ დასამახსოვრებელი გახადოთ. ჩვენ რამდენიმე რჩევას მოგცემთ, რათა საკრუიზო მოგზაურობა გაიუმჯობესოთ.
ეწვიეთ ექიმს
დაადგინეთ თუ გჭირდებათ რაიმე ვაქცინა კრუიზში წასვლამდე. ასევე შეიმოწმეთ ჯანმრთელობა და გამგზავრებამდე გაარკვიეთ როგორ აირიდოთ თავიდან გაციება და გრიპი ბორტზე ყოფნისას. კითხეთ ზღვის ავადმყოფობის შესახებაც და გამოართვით საჭირო მედიკამენტების სია.
შეამოწმეთ მედიკამენტები
თუ რომელიმე მედიკამენტს ხშირად იყენებთ, შეამოწმეთ მათი რაოდენობა, რათა მოგზაურობის დროს არ გაგითავდეთ. გადაამოწმეთ თან წასაღები წამლების ვადებიც. თუ რომელიმე მედიკამენტს რეცეპტით ყიდულობთ, თან წაიყოლეთ რეცეპტიც, რათა საჭიროების შემთხვევაში კრუიზის თანამშრომლების დაარწმუნოთ.
შეატყობინეთ ლაინერს თქვენი დიეტის, შეზღუდვების ან საკვები ალერგიების შესახებ
თუ სპეციალურ დიეტაზე იმყოფებით, აუცილებლად შეატყობინეთ ის ლაინერს კრუიზის დაჯავშნისას.
თან წაიღეთ საჭირო პროდუქტების ჩანთა
ჩანთაში აუცილებლად უნდა იდოს დამატენიანებელი, მზისგან დამცავი და ტუჩის ბალმი. ხანდახან კრუიზზე ყოფნისას ავიწყდებათ, რომ მზე იქაც ისევე წვავს, როგორც სანაპიროზე. კაბინიდან გასვლისას, წაისვით მზისგან დამცავი.
არ დაგავიწყდეთ მზის სათვალეები
კრემის გარდა, დაიცავით კანი ქუდითა და მზის სათვალით. სათვალეები დაგიცავენ მავნე ულტრაიისფერი გამოსხივებისგან.