ნორმალურია თუ არა იგრძნოთ რხევა საკრუიზო გემზე ყოფნისას?
ნავით, იახტით ან პატარა გემით ერთხელ მაინც თუ გიმგზავრიათ, წყლის ტრანსპორტის ტალღებზე ქანაობა თქვენთვის ნაცნობი იქნება. შესაძლოა არ იყოთ მიდრეკილი ზღვის დაავადებისკენ, მაგრამ კრუიზის რხევისთვის მზად მაინც უნდა იყოთ. თუ გემი კარგ ამინდში, სტაბილური სიჩქარით დაცურავს, რხევას დიდად ვერ იგრძნობთ, მაგრამ ზღვაში ამინდის და პირობების ხშირი ცვალებადობა აღინიშნება.
თუ კრუიზის შესამჩნევ რხევაზე დარდობთ, ჩვენ დაგამშვიდებთ და გეტყვით, რომ ეს სანერვიულო არაა. ნორმალურია ის ფაქტი, რომ კრუიზის მგზავრები გემის მოძრაობას გრძნობენ. მეტიც, გემების უმეტესობაზე მსუბუქ ვიბრაციას აუცილებლად იგრძნობთ, განსაკუთრებით მის ქვედა გემბანზე. კრუიზის კაბინის ლოკაციის მიხედვით, შესაძლოა მეტი მოძრაობა იგრძნოთ მაშინ, როცა გემი პორტში შევა ან ღუზას ჩაუშვებს.
დილაობით ვიბრაციებს ყველაზე მეტად იგრძნობთ. ვიბრაციები ასევე შესამჩნევია გემის რესტორნის ნაწილში. მაგრამ, კრუიზში ის მაინც საკმაოდ მსუბუქია მითუმეტეს მაშინ, თუ ვიწრო არხებში ცურვა არ უწევს.